Arthur ile Minimoylar

Baş qəhrəmanımız on yaşlı, mələk üzlü, saçları fırça kimi, çilli sifətli sevimli Arthur-dur... Arthurun babası dörd il əvvəl yoxa çıxıb. Geridə qoyduğu yeganə iz isə Afrika qəbilələrinin hekayələri ilə dolu qeyd dəftəridir... Bu hekayələr arasında Minimoylar adlanan miniatür balaca insanların təsvir olunduğu əhvalatlar da var. Minimoylar həqiqətən mövcud ola bilməzlər, elə deyilmi? Yoxsa ola bilərlər? Təsəvvüründə belə canlandıra bilməyəcəyi qədər vəhşi macəraların qapısını açmağa hazırlaşan balaca Arthur babasının hekayəsindəki gizli mesajı anlamağa çalışır. O, üç gün ərzində oğurlanmış xəzinəni tapmaq üçün bir yol kəşf etməli, şeytani sehrbaza qarşı durmalı, ağcaqanadların belində döyüşənləri məğlub etməli və azad ruhlu şahzadənin qəlbini fəth etməlidir. Bütün bunlar mümkünsüz bir tapşırıq kimi görünsə də, Arthur ən kiçik qəhrəmanların belə çox böyük işlər görə biləcəyinə inanır.