FBI-ın məşhur “Ən çox axtarılanlar” siyahısında yer alan ən gənc fırıldaqçının real həyat hekayəsi. Frank Abagnale Jr. hələ 18 yaşına çatmamış həkimlik, vəkillik və böyük bir aviaşirkətdə pilot köməkçiliyi edib. Maskalanma ustası olan Abagnale, həm də son dərəcə zəki bir fırıldaqçı idi. 16 yaşında başladığı çek saxtakarlığını 26 ölkədə davam etdirərək 2,5 milyon dollar dəyərində fırıldaqçılıq törədib. ABŞ tarixinin ən uğurlu bank soyğununu həyata keçirib.