Mafiyanın polisə, polisin isə mafiyaya yerləşdirdiyi köstəbəklər illərlə böyük gizlilik içində fəaliyyət göstəriblər. Lakin artıq hər iki tərəf öz sıralarında bir xain olduğunu bilir. Bundan sonra hər iki köstəbək üçün tək bir məqsəd qalır: əsl xainin kim olduğunu üzə çıxararaq özünü təmizə çıxarmaq. Dünyada böyük rəğbət qazanmış Honq-Konq istehsalı olan bu filmin uğuru, qısa müddət sonra Hollivudun usta rejissoru Martin Skorsezeni filmin remeyki olan "Köstəbək"i çəkməyə sövq etdi.