Guy Ritchie-nin rejissorluq etdiyi bu casusluq filmi 1960-cı illərdə, Soyuq Müharibə dövründə cərəyan edir. Uzun müddətdir bir-birinə düşmən olan və müxtəlif hadisələrdə qarşı-qarşıya gələn CIA agenti Solo ilə KQB-də çalışan Kuryakin beynəlxalq bir cinayət təşkilatını çökdürmək üçün məcburən əməkdaşlıq edirlər. Bu çətin işdə əllərindəki yeganə ipucu alman bir alimin qızına çatmaqdır. Dünyanı böyük bir fəlakətdən xilas etmək, zamanla yarışdıqları bu tapşırıqdan asılıdır. 1960-cı illərin məşhur serialı əsasında çəkilən filmin baş rollarını Henry Cavill və Armie Hammer bölüşür.