Sylvia Hoeks

Sylvia Gertrudis Martyna Hoeks (1 iyun 1983-cü il təvəllüdlü) hollandiyalı aktrisa və keçmiş modeldir. Hollandiyanın cənubundakı Maarheeze qəsəbəsində anadan olub. 14 yaşında Elite Models tərəfindən kəşf edilib və modellik etmək üçün bir çox Avropa ölkəsinə səyahət edib. Məzun olduqdan sonra, Jos Stellingin rejissoru olduğu Duska (2007) filmi ilə milli səviyyədə məşhurlaşıb və bu filmə görə illik Hollandiya Film Festivalında Qızıl Buzov (Hollandiyanın Oskarı) mükafatını qazanıb. Hoeks daha çox Ən Yaxşı Təklif (2013), Dəniz Komandoları (2017) və Blade Runner 2049 (2017) filmlərindəki rolları ilə tanınır.