Paul Verhoeven

Paul Verhoeven (18 iyul 1938-ci il təvəllüdlü) həm Niderlandda, həm də ABŞ-da filmlər çəkmiş niderlandlı kinorejissor, ssenarist və prodüserdir. Açıq-aşkar zorakılıq və/və ya cinsi məzmun, eləcə də sosial satira onun həm dram, həm də elmi-fantastik janrdakı filmlərinin əsas xüsusiyyətləridir. O, daha çox "RoboCop" (1987), "Total Recall" (1990), "Basic Instinct" (1992), "Starship Troopers" (1997) və "Hollow Man" (2000) kimi Amerika istehsalı olan tammetrajlı filmlərin rejissoru kimi tanınır. "Turkish Delight" (1973) filmi Niderland Film Festivalında "Əsrin ən yaxşı Niderland filmi" mükafatına layiq görülüb. Onun filmləri ümumilikdə, əsasən montaj və effektlərə görə doqquz dəfə "Oskar" mükafatına namizəd olub. Həm "RoboCop", həm də "Total Recall" filmləri "Oskar"ın Xüsusi Nailiyyət mükafatını qazanıb. Bunun əksinə olaraq, onun "Showgirls" (1995) filmi mənfi rəylər alıb və yeddi "Qızıl Moruq" mükafatına layiq görülüb, lakin zaman keçdikcə kult filmə çevrilib.