Aaron Stanford

Aaron Stanford (d. 27 dekabr 1976) amerikalı aktyordur. O, daha çox X2 və X-Men: Son Direniş filmlərindəki Pyro və Tepenin Gözleri filminin 2006-cı il versiyasındakı Doug rolları ilə tanınır. 2010-cu ildən 2013-cü ilə qədər Nikita serialında Birkhoff obrazını canlandırıb. Eyniadlı 1995-ci il istehsalı filmdən uyarlanan 12 Monkeys televiziya serialında James Cole rolunda çəkilib. Stanfordun ilk böyük film rolu, Sigourney Weaver-in oynadığı, ögey anasına aşiq olan 15 yaşlı erkən inkişaf etmiş Oscar Grubman obrazını canlandırdığı aşağı büdcəli müstəqil film Tadpole (2002) idi. Bu performansı ilə Qızıl Peyk Mükafatına namizəd göstərilib. 2001 və 2002-ci illərdə Third Watch adlı televiziya serialında rus gənc Sergei kimi bir neçə dəfə yer alıb. Həmin il Daily Variety-nin "İzlənilməli Ən Yaxşı On Aktyoru" siyahısında göstərilib və Entertainment Weekly-nin "It List" siyahısına daxil edilib. 2004-cü ildə Christopher Shinn-in Vineyard Teatrında səhnələşdirilən Where Do We Live adlı tamaşasında rol alıb. Stanford həmçinin 2004-cü il istehsalı Winter Solstice filmində Anthony LaPaglia-nın oğlu rolunu oynayıb. Rejissor Bryan Singer, Stanfordun Tadpole filmindəki performansından təsirlənərək onu 2003-cü ilin kass rekordları qıran X-Men filminin davamı olan X2 filmində Pyro roluna seçib. Film seriyasının 2006-cı ilin mayında yayımlanan üçüncü hissəsi X-Men: Son Direniş filmində rolunu davam etdirib. Hər iki film Marvel Comics-in X-Men seriyasına əsaslanır. Stanford, Tepenin Gözleri filminin Wes Craven-in rejissorluğu ilə çəkilən 2006-cı il versiyasında yer alıb. O, həmçinin 2006-cı il Gənc Hollivud Mükafatlarında "One To Watch" mükafatını qazanıb. Elə həmin il New Hampshire mərkəzli komediya filmi Live Free or Die-da John Rudgate adlı cinayətkarı canlandırıb. Aaron həmçinin Call of Duty: World at War video oyununda Əsgər Polonsky-ni səsləndirib. 2009-cu ildə Law & Order: Criminal Intent serialının səkkizinci mövsümündə problemli bir poker dahası rolunu oynayıb və AMC-nin yayımladığı Mad Men serialının bir bölümündə Horace Cook Jr. rolunda çəkilib. 2010-cu ildə The CW-nin Nikita serialına Birkhoff kimi qatılıb. Tepenin Gözleri filmindəki obrazı 2012-ci il istehsalı Call of Duty: Black Ops II video oyununun Zombi rejimində də yer alır.