Kadir Savun

Erzincan ilinin İliç rayonunun Doruksaray (Kamhu) kəndində anadan olub. Nişantaşı Orta məktəbini bitirib. Atası polis əməkdaşı idi. Kabataş Kişi Liseyinə daxil olub, lakin təhsilini yarımçıq saxlayıb. 1936-cı ildə “Bir Millet Uyanıyor” adlı filmdə uşaq aktyor kimi yer alıb. Kinematoqrafiyaya 1940-cı illərdə bir film şirkətində kamera assistenti kimi başlayıb. 1950-ci ildə kinonu özünə peşə seçib. Sonrakı dövrdə Faruk Kençin yanında kast direktoru kimi çalışıb. Çəkiliş meydançasında tanış olduğu Suphi Kaner ilə birlikdə "Azim Film" şirkətini quraraq prodüserlik fəaliyyətinə başlayıb. 400-dən çox ekran əsərində rol alan Yeşilçamın öndəgedən xarakter aktyorlarından biri idi. Xərçəng diaqnozu qoyulduqdan sonra müalicə xərclərini toplamaq üçün İbrahim Tatlıses və Osman Yağmurdereli bir yardım gecəsi təşkil etmişdilər. Məzarı Fəriköy qəbiristanlığındadır.