Sabrina Carpenter

Sabrina Annlynn Carpenter (11 may 1999-cu il təvəllüdlü) amerikalı müğənni, bəstəkar və aktrisadır. O, aktyorluq debütünü 2011-ci ildə edib. Aktrisa kimi daha çox Disney Channel-in "Girl Meets World" (2014—2017) serialı, Disney Channel-in orijinal filmi olan "Adventures in Babysitting" (2016), həmçinin Netflix-in orijinal layihələri "Tall Girl" (2019) və "Work It" (2020) filmlərindəki rolları ilə tanınır. 2019-cu ildə o, həmçinin tənqidçilərin rəğbətini qazanmış müstəqil "The Short History of the Long Road" filmində baş rolda çəkilib. Sabrina həm də "Nonsense", "Feather" və "Espresso" kimi hitləri ilə tanınır. 2025-ci ildə o, 76-cı illik "Qremmi" mükafatlarının təqdimetmə mərasimində "Ən yaxşı pop solo ifası" və "Ən yaxşı pop vokal albomu" nominasiyaları üzrə mükafatlara layiq görülüb.