Abigail Spencer

Abigeyl Li Spenser (4 avqust 1981-ci il təvəllüdlü) bir sıra televiziya seriallarındakı rolları ilə tanınan amerikalı aktrisadır. Florida ştatının yerlisi olan aktrisa karyerasına 1999-2001-ci illərdə ABC kanalının gündüz yayımlanan "All My Children" teleserialında Rebekka Tayri obrazını canlandıraraq başlamış, daha sonra "Lifetime" kanalının qısaömürlü cinayət dramı olan "Angela's Eyes" (2006) serialında baş rolda çəkilmişdir. Spenser "In My Sleep" (2010), "Cowboys & Aliens" (2011), "This Means War" (2012), "Chasing Mavericks" (2012), "The Haunting in Connecticut 2: Ghosts of Georgia" (2013), "Oz the Great and Powerful" (2013) və "This Is Where I Leave You" (2014) kimi filmlərdə rol almışdır. Televiziyada o, "Mad Men", "Hawthorne" və "Suits" seriallarında dövri rollar ifa etmişdir. 2013-2016-cı illərdə Spenser "SundanceTV" kanalının "Rectify" dram serialında Amantha Holden obrazını canlandırmış və bu rola görə "Critics' Choice Television Award" mükafatına namizəd göstərilmişdir. 2016-cı ildə Spenser NBC kanalının "Timeless" serialında tarix professoru Lüsi Preston obrazı ilə baş rolda çəkilməyə başlamışdır.