Jack Farthing

Cek 1985-ci ildə anadan olub və doğma Londonda böyüyüb. Vestminster və Hempsteddəki Holl məktəblərində təhsil alarkən aktyorluğa maraq göstərib. Oksford Universitetindən sonra LAMDA-da aktyorluq təhsili almağa başlasa da, "Globe" teatrında Benvolio roluna seçildikdən sonra təhsilini yarımçıq qoyub. O, burada, eləcə də Riçmonddakı "Orange Tree" və "Royal Court" teatrlarında müxtəlif tamaşalarda iştirak edib. Məhz burada kastinq direktoru Endi Prayorun diqqətini çəkib və onun vasitəsilə televiziyaya keçid edib. Əvvəlcə "Dancing on the Edge" tarixi dramında kiçik bir rol alıb, daha sonra isə "Blandings" serialında evin ağılsız oğlu Freddi obrazı ilə daha əhəmiyyətli və daimi bir rola çəkilib. Artıq televiziyada tanınmış simaya çevrilən Cek "Poirot" və "Poldark"ın yenidən çəkilən versiyası kimi layihələrdə rol alıb.