Margaret Qualley

Sara Marqaret Kualli (23 oktyabr 1994-cü il təvəllüdlü) amerikalı aktrisadır. Aktrisa Endi Makdauellin qızı olan Kualli gəncliyində balet rəqsi ilə məşğul olub. O, aktyorluq debütünü 2013-cü ildə çəkilmiş "Palo Alto" dram filmində edib. O, HBO kanalının "The Leftovers" (2014–2017) dram serialındakı ikinci dərəcəli rolu ilə tanınıb. Kualli "The Nice Guys" (2016), "Death Note" (2017) və "Once Upon a Time in Hollywood" (2019) filmlərində, həmçinin "Death Stranding" (2019) videooyununda rol alıb. O, FX kanalının "Fosse/Verdon" (2019) bioqrafik mini-serialında Enn Reynqini və Netflix-in "Maid" (2021) dram mini-serialında baş rolu canlandırdığına görə təriflər qazanıb və "Primetime Emmy" mükafatlarına namizəd olub. Kualli daha sonra Yorqos Lantimosun "Poor Things" (2023) və "Kinds of Kindness" (2024) filmlərində çəkilib, "The Substance" (2024) bədən qorxusu janrındakı filmdəki ifasına görə isə "Qızıl Qlobus" mükafatına namizəd göstərilib.