Şahan Gökbakar

Məzun olduqdan sonra İstanbula köçən Gökbakar bir müddət müxtəlif reklam seçmələrində iştirak edərək şansını sınadı. Daha sonra "Zıbın" adlı bir proqram hazırladı və bu proqram 2003-cü ildən 2004-cü ilə keçid edən yeni il gecəsi TV8-də yayımlandı. Zıbın proqramında əksər reklam və hadisələri ələ salarkən yumorla düşüncəni birləşdirirdilər. Bundan əlavə, TRT 1-də bazar günləri canlı yayımlanan "7. Gün" proqramında beş həftə ərzində aparıcılıq etdi. Ardınca daha əvvəl Kamil Gülərin apardığı Zoka adlı gizli kamera yarışma proqramının aparıcılığını və aktyorluğunu etməyə başladı və proqram 13 bölüm davam etdi. Zoka-dan sonra yenə TV8-də Alper Mestçi ilə birlikdə "Dikkat Şahan Çıkabilir" adlı bir antimediya-sketç şousu hazırladı və bir mövsümü 15 bölüm ilə geridə qoydu. Xüsusilə yaratdığı Recep İvedik, Bülent Binbaş və Küçük Oskar obrazları ilə diqqət çəkdi. Gökbakar ilk dəfə 2006-cı il istehsalı olan Gen adlı qorxu filmində Tecrit Hastası obrazını canlandırıb. Bu filmin rejissoru qardaşı Togan Gökbakardır. 2007-ci ildə NTV-də yayımlanan Kime Diyorum Ben adlı realiti-şou proqramını hazırlayıb. 22 fevral 2008-ci il tarixində kinoteatrlarda nümayiş olunan və Dikkat Şahan Çıkabilir proqramındakı obrazlardan biri olan Recep İvedik filmi türk kino tarixində ən çox izlənilən filmlərdən biri olub. Həmçinin Kanal 1-də 4 bölüm olaraq rol aldığı Kolay Gelsin adlı improvizə sitkom yayımlanıb. 2016-cı ilin sentyabrında Halkbank reklam filmində çəkilib.