Armağan Oğuz

11 fevral 1984-cü ildə İstanbulda anadan olub. Orta təhsilini İstanbul Erkek Liseyində alıb və 2004-cü ildə məzun olub. Universitet təhsilini isə 2008-ci ildə bitirdiyi Mimar Sinan Universiteti Statistika fakültəsində tamamlayıb. Armağan Oğuz 2008-ci ildə "Best Model Of Turkey" müsabiqəsində birinci olub. Elə həmin il keçirilən "Best Model Of The World" müsabiqəsində isə ikinci yeri tutub. Qatıldığı bu modellik müsabiqələrindən dərhal sonra qurucuları arasında məşhur aktyor Robert De Niro-nun da olduğu Nyu-York Film Akademiyasında aktyorluq təhsili almaq üçün ABŞ-a köçüb. ABŞ-dakı aktyorluq təhsilini Hollivud Film Akademiyasında tamamlayaraq məzun olub. 2011-ci ildə payız/qış kolleksiyası nümayişlərində "New York Fashion Week"-də iştirak edən Armağan Oğuz, Amerika Hollivud Film Akademiyasında tələbə olduğu müddətdə bir çox qısametrajlı film layihələrində yer alıb. 2012-ci ildə Türkiyəyə qayıdaraq serial və film işlərinə başlayan Armağan Oğuz, aktyor koçu Ümit Çırak ilə aktyorluq texnikaları üzərində işləməyə başlayıb. Türkiyədəki ilk aktyorluq təcrübəsini 2014-cü ildə "Ah Neriman" adlı serialda yaşayıb.