Colin Morgan

Colin Morgan Şimali İrlandiyadan olan aktyordur. O, BBC-nin fantastika janrındakı "Merlin" (2008–2012) serialında eyniadlı obrazı, "Humans" (2015–2018) serialında Leo Elsteri və Kenneth Branagh-ın "Belfast" (2021) filmində Billy Clanton obrazını canlandırması ilə tanınır. Morgan London teatrında debütünü 2007-ci ildə DBC Pierre-in "Vernon God Little" əsərində baş rolu oynamaqla edib. O, daha sonra 2007-ci ildə Pedro Almodóvar-ın "Todo sobre mi madre" ("Anam haqqında hər şey"), 2008-ci ildə Thomas Babe-in "A Prayer for My Daughter", 2011-ci ildə Pedro Miguel Rozo-nun "Our Private Life", 2012-ci ildə "The Old Vic 24 Hour Musicals Celebrity Gala" tədbirində "Step in Time", 2013-cü ildə Shakespeare-in "The Tempest" və 2013-2014-cü illərdə Jez Butterworth-un "Mojo" tamaşalarında rol alıb. 2008-ci ilin iyulunda "Screen International" jurnalı Morganı "Gələcəyin ulduzu" elan edib. "Merlin" serialındakı ifasına görə Morgan 2009, 2010 və 2011-ci illərdə Monte-Karlo Televiziya Festivalı mükafatlarında "Görkəmli aktyor (dram)" nominasiyasına, 2013-cü ildə isə Milli Televiziya Mükafatlarında "Dram janrında ən yaxşı kişi aktyor" nominasiyasına namizəd göstərilib.