Melissa George

Melissa Suzanne George (6 avqust 1976-cı il təvəllüdlü) Avstraliya, Böyük Britaniya və ABŞ-da fəaliyyət göstərmiş avstraliyalı kino və televiziya aktrisasıdır. Melissa daha çox Avstraliyanın "Home and Away" teleserialındakı Angel Parrish rolu ilə tanınır. Bu şoudan sonra o, "Roar" və "Thieves" kimi seriallarda da rol alıb. Melissa həmçinin "Alias" və "In Treatment" kimi hit seriallarda çəkilib. O, kinoda debütünü 1998-ci ildə neo-nuar elmi-fantastika janrında olan "Dark City" filmi ilə edib, daha sonra "The Limey" (1999) və David Lynch-in "Mulholland Dr." (2001) dramında ikinci dərəcəli rolları canlandırıb. Onun digər film işləri arasında "The Amityville Horror" (2005) filminin remeyki, "Turistas" (2006) trilleri və "30 Days of Night" (2007) vampir qorxu filmi yer alır. O, bu yaxınlarda "Triangle" (2009) psixoloji qorxu filmindəki baş roluna görə tənqidçilərin rəğbətini qazanıb.