Amanda Peet

Amanda Peet (11 yanvar 1972-ci il təvəllüdlü) amerikalı aktrisa, yazıçı və prodüserdir. O, karyerasına televiziyada kiçik rollarla başlayıb və ilk dəfə 1995-ci ildə "Animal Room" tammetrajlı filmində çəkilib. "The Whole Nine Yards" (2000) filmindəki Jill St. Claire obrazı ona geniş şöhrət qazandırıb. O vaxtdan bəri "Saving Silverman" (2001), "High Crimes", "Changing Lanes", "Igby Goes Down" (hamısı 2002), "Something's Gotta Give" (2003), "Identity" (2003), "Melinda and Melinda" (2004), "A Lot Like Love" (2005), "Syriana" (2005), "Battle for Terra" (2007), "Martian Child" (2008), "The X-Files: I Want to Believe" (2008), "Please Give" (2010), "Gulliver's Travels" (2010), "The Way, Way Back" (2013), "Identity Thief" (2013) və "Trust Me" (2013) kimi müxtəlif filmlərdə rol alıb. Televiziyada Peet "The WB" kanalının "Jack & Jill" (1999–2001) serialında Jacqueline Barrett, "HBO" kanalının "Togetherness" (2015–2016) serialında Tina Morris, "IFC" kanalının "Brockmire" (2016–2020) serialında Jules və 2020-ci ildə "Dirty John" serialının ikinci mövsümündə Betty Broderick obrazlarını canlandırıb. O, 2021-ci ildə yayımlanan "The Chair" Netflix serialının ssenaristi və icraçı prodüserlərindən biri olub.