Marlon Brando

Teatr fəaliyyətinə erkən yaşlarda başlayan aktyor, Nyu-Yorkda illərlə Lee Strasberg, Elia Kazan, Stella Adler və Emir Zahirovicdən aktyorluq dərsləri almışdır. Lakin öz üzərində ən böyük təsiri Stella Adlerin (dolayı yolla məşhur rus teatr xadimi Konstantin Stanislavskinin) göstərdiyini israrla vurğulayan Brando, Actors Studio-nun qurucularından olmasa da, 1952-ci ildən etibarən studiyanın dünya miqyasında şöhrət qazanacağı dövrdə rəhbərlik edən Lee Strasbergin özünü müəllimlərin müəllimi hesab edən təkəbbürlü rəftarına qarşı həmişə müxalif mövqedə olmuşdur. O, aktyorluq həyatına bir vaxtlar Henry Fondanı səhnələrə qazandıran teatrçı anasının təsirini də inkar etmir. "Hələ də Hollivudda olmağımın yeganə səbəbi pulu rədd edəcək mənəvi cəsarətimin olmamasıdır" deyəcək qədər cəsarətli, 1972-ci ildə The Godfather filmi ilə aldığı Oskarı rədd edəcək qədər də üsyankar biri idi. İkinci Oskarını isə Amerikanın yerli xalqlara qarşı yürütdüyü siyasətə etiraz etmək üçün hətta mükafatı almağa belə gəlməmişdi. On the Waterfront (Rıhtımlar Üzerinde) filmindəki performansı ilə bütün zamanların ən yaxşı aktyorlarından biri olduğunu sübut etdi; lakin Brandonun yaxın dostu Elia Kazanın da bu uğurda rolu vardı. Elia Kazan film üçün əvvəlcə Frank Sinatra ilə razılaşmış olsa da, prodüser Spiegelin də təsiri ilə Brandonu baş rola çəkmişdi. Kult filmlər arasına daxil olan digər bir filmi "Last Tango in Paris"də isə Bernardo Bertolucci ilə işləmişdir. Filmlərində özünəməxsus bir tərzi vardı. Bunlardan bir neçəsi: replikalarını əzbərləməyi rədd edər, kiçik kağızlardan istifadə edərdi. Bir filmdə səsinin daha boğuq çıxması üçün yanaqlarına pambıq doldurmuşdu. The Man (1950) filmindəki Ken Wilcheck rolu üçün həftələrlə əlil arabasında olan müharibə veteranları ilə birlikdə olmuşdu. Brando ölkəsində yerli xalqların və qaradərililərin hüquqları üçün fəal şəkildə çalışmışdı. Hollivud kinosunun yerli xalqlara qarşı münasibətini bir çox yollarla etiraz etmiş və düşmən qazanmışdı. Oğlunun cinayət işi ilə bağlı məhkəmədə özünü "ateist" kimi təqdim etsə də, həyatının gedişatında bir çox yerdə dini inancının olduğunu, xüsusilə yerli xalqların mənəvi inanclarına özünü yaxın hiss etdiyini bildirmişdi. Oğlu Michael Jacksonun mühafizəçilərindən biri idi. Narkotikdən xilas olmağa çalışan qızı intihar etdi. 2001-ci ildə sətəlcəm səbəbiylə xəstəxanaya yerləşdirildi. Empire jurnalının "Film Tarixinin 100 Seksual Ulduzu" siyahısına 14-cü sıradan seçilmişdi.