Bülent Kayabaş

1945-ci ildə Əskişəhərdə dünyaya gələn Bülent Kayabaş 16 yaşında bələdiyyə teatrına daxil olaraq aktyorluq sənətinə gənc yaşda ilk addımını atdı. 1970-ci ildə isə Semih Evinin yazıb rejissorluq etdiyi "Kara Leke" filmi ilə peşəkar aktyorluq karyerasına başladı. Qısa müddətdə bir çox filmi karyerasına sığdırmağı bacararaq 70-ci illərə damğasını vurdu. 1974-cü ildə nümayiş olunan "Karateci Kız" filmində Ferruh obrazını canlandırdı. Filmdə özünün də yer aldığı ölüm səhnəsi üçün parodiyalar hazırlandı və "Conan" kimi xarici tok-şou proqramlarında nümayiş olundu. Kayabaş "Winnie The Pooh" adlı cizgi filmində Tiger obrazını 14 il boyunca səsləndirib. Bülent Kayabaş 1981-ci ildə Nur Sürer ilə evləndi. Qısa müddət sonra boşandı. 2007-ci ildə 15 illik dostu Selma Kepekli ilə Turgutreisdə ailə həyatı qurdu. Bülent Kayabaş 2016-cı ildə Sermiyan Midyatın rejissorluğunu və ssenaristliyini üstləndiyi, absurd bir hind komediyası olan "Bir Baba Hindu" adlı filmdə Sermiyan Midyat, Nicole Faria, Burak Satıbol, Zeynep Kankonde, Ayhan Taş, Begüm Öner, Hakan Akın, Füsun Demirel, Şafak Sezer və Muhittin Korkmaz ilə birlikdə rol aldı. Bir müddətdir müalicə olunan Kayabaş, yoğun bağırsaq xərçəngi xəstəliyi nəticəsində yaranan çoxlu orqan çatışmazlığı səbəbindən 19 aprel 2017-ci il tarixində xəstəxanada vəfat etdi. Bülent Kayabaş Müasir Kino Aktyorları Dərnəyinin üzvü idi.