Chris O'Dowd

Kristofer O'Daud (9 oktyabr 1979-cu il təvəllüdlü) irlandiyalı aktyor və komediyaçıdır. O, 2006-cı ildən 2010-cu ilə qədər dörd mövsüm yayımlanan "Channel 4" kanalının "The IT Crowd" komediya serialının əsas obrazlarından biri olan Roy Brenneman rolu ilə geniş şöhrət qazanıb. O, "Gulliver's Travels" (2010), "Bridesmaids", "Friends with Kids" (2011), "Cuban Fury" (2014), "Miss Peregrine's Home for Peculiar Children" (2016) və "The Cloverfield Paradox" (2018) kimi filmlərdə rol alıb. O, 2012-2015-ci illərdə yayımlanan və ona aktyorluq, ssenaristlik və rejissorluq nominasiyaları üzrə "Irish Film and Television Award" mükafatı namizədliyi gətirən "Sky 1" telekanalının "Moone Boy" serialının yaradıcısı və baş rol ifaçısıdır. 2017-ci ildən bəri o, "Epix" kanalının "Get Shorty" komediya serialında Maylz Deyli obrazını canlandırır. O, "Girls" komediya-dram serialında da dövrü rollardan birini ifa edib. Britaniyanın "State of the Union" komediya serialındakı performansı ona "Primetime Emmy Award" mükafatını qazandırıb. 2014-cü ildə "Of Mice and Men" əsərinin tamaşa adaptasiyası ilə Brodvey debütünü edib və bu rola görə "Tony Award" mükafatına namizəd göstərilib. 2020-ci ildə "The Irish Times" qəzetinin İrlandiyanın ən böyük kino aktyorları siyahısında 39-cu yerdə qərarlaşıb.