Ajay Devgan

Ajay Devgan hindistanlı kino aktyoru, rejissor və prodüserdir. O, yüzdən çox hind filmində rol almış və hind kinosunun ən populyar aktyorlarından biri hesab olunur. O, iki Milli Film Mükafatı və dörd Filmfare Mükafatı da daxil olmaqla çoxsaylı mükafatlara layiq görülüb. 2016-cı ildə Hindistan hökuməti tərəfindən ölkənin dördüncü ən yüksək mülki mükafatı olan Padma Shri ilə təltif edilib. Devgan peşəkar karyerasına 1991-ci ildə Phool Aur Kaante filmi ilə başlayıb və bu filmdəki ifasına görə "Ən yaxşı kişi debütü" nominasiyasında Filmfare mükafatını qazanıb. 1998-ci ildə Mahesh Bhattın Zakhm dramında tənqidçilərin rəğbətini qazanan bir performans sərgiləyib və bu rola görə ilk dəfə "Ən yaxşı aktyor" nominasiyasında Milli Film Mükafatına layiq görülüb. 1999-cu ildə onun ən çox müzakirə olunan filmi həyat yoldaşını sevgilisi ilə qovuşdurmağa çalışan Vanraj obrazını canlandırdığı Hum Dil De Chuke Sanam olub. O, yüzdən çox hind filmində çəkilib. Bununla da o, özünü hind kinosunun aparıcı aktyorlarından biri kimi təsdiqləyib. Bundan əlavə, Devgn 2000-ci ildə yaradılmış Ajay Devgn FFilms adlı prodüser şirkətinin sahibidir. 2008-ci ildə U Me Aur Hum filmi ilə rejissor kimi debüt edib. 1999-cu ildən kino aktrisası Kajol ilə evlidir və cütlüyün iki övladı var. 2009-cu ilin avqustunda Devgn ailəsinin xahişi ilə soyadını Devgan-dan Devgn-ə dəyişib.