Maurice Roëves

Con Moris Rövz (19 mart 1937 – 14 iyul 2020) britaniyalı aktyor idi. Onun televiziya rollarına Danger UXB (1979), The Nightmare Man (1981), 1984-cü ilin Doctor Who serialı The Caves of Androzani, Days of our Lives (1986), Tutti Frutti (1987), Rab C. Nesbitt (1990), The New Statesman (1990), Spender (1991), Star Trek: The Next Generation, BBC-nin Vanity Fair (1998) adaptasiyası və EastEnders (2003) daxildir. O, həmçinin 1996-cı il istehsalı olan Hillsborough televiziya filmində baş müfəttiş Devid Dakkenfildi canlandırıb. Filmə görə, onun obrazı Liverpul FK-nın FA Kubokunun yarımfinal oyununda asayişi qorumalı idi, lakin polisin nəzarəti itirməsi nəticəsində baş verən izdiham 96 azarkeşin ölümü ilə nəticələnmişdi. 2006-cı ildə o, BBC-nin Surviving Disasters sənədli dramında rol alıb və Münhen aviasiya qəzası hekayəsində ser Mett Basbini canlandırıb. O, BBC Scotland-ın River City dramında Robert Henderson obrazını ifa edib. Onun film rollarına Oh! What a Lovely War, Ulysses, Hidden Agenda, The Last of the Mohicans-ın 1992-ci il versiyası, Judge Dredd (1995) və Beautiful Creatures (2000) daxildir. 2003-cü ildə o, Mey Maylz Tomasın Solid Air filmində çəkilib.