Chevy Chase

Kornelius Kreyn "Çevi" Çeyz (8 oktyabr 1943-cü il təvəllüdlü) tanınmış əyləncə sənayesi ailəsində dünyaya gəlmiş amerikalı komediyaçı, yazıçı, televiziya və kino aktyorudur. Çeyz "National Lampoon" ilə komediya aktyorluğuna başlamazdan əvvəl bir çox müxtəlif işlərdə çalışıb. O, qısa müddətdə "Saturday Night Live" şousunun ilk mövsümünün əsas heyət üzvünə çevrilib və burada hazırladığı "Weekend Update" səhnəciyi tezliklə şounun ayrılmaz hissəsi olub. Həm ifaçı, həm də yazıçı kimi o, beş nominasiyadan üçündə "Primetime Emmy" mükafatına layiq görülüb. Çeyz, həmçinin dörd "National Lampoon's Vacation" filmindəki Klark Qrizvold obrazı, eləcə də "Caddyshack" (1980), "Fletch" (1985) və "¡Three Amigos!" (1986) kimi digər uğurlu komediyalardakı rolları ilə tanınır. O, iki dəfə (1987 və 1988) "Oskar" mükafatlandırma mərasiminin aparıcısı olub və qısa müddət ərzində "The Chevy Chase Show" adlı öz gecə şousunu aparıb. 2009-2014-cü illərdə NBC kanalının "Community" komediya serialında Pirs Hotorn obrazını canlandırıb.