Morena Baccarin

Morena Baccarin (d. 2 iyun 1979) Braziliya əsilli amerikalı aktrisadır və daha çox müxtəlif Amerika elmi-fantastik televiziya seriallarındakı rolları ilə tanınır: Firefly serialında Inara Serra, Stargate SG-1 serialında Adria və V serialının 2009-cu il versiyasında Anna rolları. Baccarin Braziliyanın Rio-de-Janeyro şəhərində anadan olub. Anası braziliyalı səhnə və televiziya aktrisası Vera Setta, atası isə italyan jurnalist Fernando Baccarindir. Baccarin 7 yaşında olarkən, atasının Globo TV-nin Amerika Birləşmiş Ştatlarındakı mərkəzinə redaktor olaraq təyin olunması səbəbindən ailəsi ilə birlikdə Nyu-Yorkun Qrinviç-Villiç bölgəsinə köçüb. Baccarin Claire Danes ilə sinif yoldaşı olduğu Public School 41 və New York City Lab School for Collaborative Studies-də təhsil alıb. Daha sonra Juilliard-da teatr proqramına daxil olmazdan əvvəl Fiorello H. LaGuardia Musiqi, İncəsənət və Səhnə İncəsənətləri Liseyində oxuyub. Baccarin ilk film rolunu moda dünyasından bəhs edən improvizə komediya janrındakı Perfume (2001) filmində alıb.