Oliver Jackson-Cohen

Oliver Mansour Jackson-Cohen (24 oktyabr 1986-cı il təvəllüdlü) ingilis aktyordur. O, daha çox Netflix-in orijinal antologiya serialları olan "The Haunting of Hill House"da Luke Crain və "The Haunting of Bly Manor"da Peter Quint rolları ilə tanınır. Jackson-Cohen Londonda, modelyer David Cohen və Betty Jackson-un ailəsində anadan olub. O, Londonda yerləşən Lycée Français Charles de Gaulle-də təhsil alıb, həftəsonları isə Youngblood Theater Company-də aktyorluq dərsləri keçib. İlk televiziya rolu 14 yaşında "Hollyoaks" serialında Jean-Pierre obrazı olub, daha sonra 2007-ci ildə "The Time of Your Life" serialında Marcus obrazını canlandırıb. 2008-ci ildə o, BBC-nin "Lark Rise to Candleford" serialında Philip White rolunu oynayıb. Oliver Cohen 2010-cu ildə baş rollarını Drew Barrymore və Justin Longun paylaşdığı "Going the Distance" filmində Damon obrazını canlandırıb. Hazırda onun ən diqqətçəkən işlərindən biri Dwayne Johnson və Billy Bob Thornton ilə birlikdə rol aldığı "Faster" filmindəki qatil obrazıdır. 2002-2023-cü illər arasında Cohen televiziya, kino və striminq sahəsində çox uğurlu bir karyera qurmağa nail olub; o, seriallar, məhdud seriallar, tammetrajlı və qısametrajlı filmlər daxil olmaqla, 26-ya yaxın layihədə iştirak edib və bu rəqəm artmaqdadır.