İhsan Yüce

Yüce, Dağıstan mühaciri Qafqaz əsilli bir ailədə 7 uşağın üçüncüsü olaraq dünyaya gəlib. İzmir Atatürk Liseyi və İqtisadi və Ticarət Elmləri Akademiyasında təhsil alıb. Bir müddət özəl şirkətlərdə mühasib işləyib. Sənət həyatına 1952-ci ildə İzmirdə Xalq və Uşaq Teatrında başlayıb. Bir mövsümlük ömrü olan Bizim Tiyatro-nu qurub. 1965-1966-cı illər arasında Lale Oraloğlu Tiyatrosu-nda çalışıb. 1968-ci ildə üç dostu ilə birlikdə Ankara Drama Tiyatrosu-nu təsis edib. Bu teatrda "Suç ve Ceza" və "Sahne Işıkları" adlı tamaşaları səhnələşdirib və maraqla qarşılanıb. Gen-Ar, Arena və Direklerarası Tiyatroları-nda fəaliyyətini davam etdirib. "Altın Yumru" filmi ilə aktyor kimi kinoya keçid edib. Ertem Eğilmez-in rejissoru olduğu "Senede Bir Gün", "Bir Millet Uyanıyor", "Sürtüğün Kızı" kimi filmlərdə oyunçuluğunu davam etdirib. Bu arada ssenari yazmağa başlayıb. Aslıer Film şirkətini qurub, ssenari müəllifi, rejissoru və aktyoru olduğu "Hayat Cehennemi" adlı filmi çəkib. 1976-cı il Antalya Altın Portakal Film Festivalında "İşte Hayat" filmindəki ifası ilə Ən Uğurlu İkinci Dərəcəli Kişi Oyunçu mükafatını alıb. 1981-ci il Antalya Altın Portakal Film Festivalında "Derya Gülü" adlı filmdəki roluna görə Ən Uğurlu Kişi Oyunçu mükafatına layiq görülüb. 125-dən çox filmdə rol almış Yüce-nin rəsm və heykəltəraşlıq işləri də var. Şeirlərinin çoxu yayımlanmayıb; ən məşhur şeiri "Ekmek Şarap Sen ve Ben"-dir. 15 may 1991-ci ildə Üsküdar Salacakdakı evində ürəktutmasından dünyasını dəyişib, vəfatından sonra Karacaahmet qəbiristanlığında dəfn edilib. Həyatı Erhan Tuncer tərəfindən "Gül Gibi Zabıta Dururken Kızını Çöpçüye Veren Adam" adı ilə 2020-ci ildə kitab olaraq nəşr olunub.