Tim Daly

Ceyms Timoti Deyli (1 mart 1956-cı il təvəllüdlü) amerikalı aktyor, prodüser və rejissordur. O, daha çox NBC telekanalının "Wings" sitkomundakı Co Heket rolu və "The Sopranos" serialında narkotik asılılığı olan ssenarist Cey Ti Dolan kimi epizodik rolu ilə tanınır. 2007-2012-ci illərdə ABC-nin tibbi dramı olan "Private Practice" serialında Pit Uaylder obrazını canlandırıb. O, həmçinin "Superman: The Animated Series" cizgi serialında və bir neçə "Superman" animasiya filmində Klark Kent/Supermen obrazlarını səsləndirməsi ilə də məşhurdur. 2014-cü ildən 2019-cu ilə qədər CBS-in siyasi dramı olan və baş rolunda Tea Leoninin çəkildiyi "Madam Secretary" serialında dövlət katibinin həyat yoldaşı Henri Makkord obrazını canlandırıb.