Jennifer Lawrence

Jennifer Shrader Lawrence 15 avqust 1990-cı ildə ABŞ-ın Kentukki ştatında anadan olub. Orta məktəbi 2 il tez bitirərək aktyorluq karyerasına başlayıb. Debra Qranikin rejissoru olduğu "Winter's Bone" filmində baş rolda çəkilib və bu performansı ilə Akademiya Mükafatlarında "Ən yaxşı qadın roluna görə" Oskar mükafatına namizəd olub, eyni zamanda bu filmdəki oyunu ona NBR mükafatı da daxil olmaqla 7 mükafat qazandırıb. 2011-ci ildə isə "X-Men: First Class" filmində şəkil dəyişdirən Mystique obrazını canlandırıb. Lourensi dünyaca məşhur edən əsas rol isə kassada 600 milyon dollardan çox gəlir əldə edən "Açlıq Oyunları" filmindəki Katniss Everdeen obrazı olub. Bu filmdən sonra Devid O. Rasselın rejissorluq etdiyi və 8 nominasiya üzrə Oskara namizəd olan "Silver Linings Playbook" filmində əsas obrazlardan biri olan Tiffani Maksvelli canlandıraraq böyük uğur qazanıb və "Ən yaxşı qadın roluna görə" Oskar mükafatı da daxil olmaqla, Qızıl Qlobus, SAG və müstəqil filmlərə verilən "Müstəqil Ruh" mükafatını qazanıb. Rejissor Devid O. Rassel ilə işləməyə davam edən gənc aktrisa "American Hustle", "Joy", "Passengers" və "Zelda" kimi filmlərdə rol alıb.