Levon Helm

Mark Lavon "Levon" Helm (26 may 1940 – 19 aprel 2012) amerikalı rok musiqiçisi və aktyor idi. O, The Band qrupunun nağaraçısı, həmçinin tez-tez əsas və ikinci dərəcəli vokalçısı kimi şöhrət qazanmışdır. Helm özünün dərin, ruhlu və kantri şivəli səsi, eləcə də The Band-in "The Weight", "Up on Cripple Creek", "Ophelia" və "The Night They Drove Old Dixie Down" kimi bir çox mahnılarında özünü göstərən yaradıcı nağara çalma tərzi ilə tanınır. Onun 2007-ci ildə geri dönüş albomu olan "Dirt Farmer" 2008-ci ilin fevralında "Ən yaxşı ənənəvi folk albomu" nominasiyasında Qremmi mükafatına layiq görülüb. Həmin ilin noyabrında isə "Rolling Stone" jurnalı onu "Bütün zamanların ən yaxşı 100 müğənnisi" siyahısında 91-ci yerdə qərarlaşdırıb. 2010-cu ildə "Dirt Farmer" albomunun davamı olan 2009-cu il tarixli "Electric Dirt" albomu, həmin il ilk dəfə təsis edilmiş "Ən yaxşı amerikana albomu" kateqoriyasında Qremmi mükafatını qazanıb. Vikipediya, azad ensiklopediyadan.