Max Pomeranc

Maks Pomerans (tələffüzü: Pomerants; 21 mart 1984-cü il təvəllüdlü) amerikalı keçmiş uşaq aktyordur. Nyu-York şəhərində anadan olub. Anası Marion Hess Pomerans yazıçı, atası Eybi Pomerans isə birja brokeridir. O, aktyorluq debütünü səkkiz yaşında, Beynəlxalq usta Coş Vaytskinin uşaqlıq illərindən bəhs edən "Searching for Bobby Fischer" filmində baş rolu oynamaqla edib. Pomerans filmdə çəkildiyi dövrdə həm də ABŞ-da öz yaş qrupunda ən yaxşı 20 şahmatçıdan biri idi. Pomerans daha sonra 1995-ci ildə çəkilmiş "Fluke" filmində rol alıb.