Graham McTavish

Graham McTavish (1961-ci il təvəllüdlü) şotlandiyalı televiziya aktyorudur. O, Red Dwarf serialının 8-ci mövsümünün beş epizodunda Warden Ackerman obrazını canlandırıb. McTavish, həmçinin Casualty, Jekyll, The Bill, Taggart və Sisterhood kimi Britaniya dramları və filmlərində bir çox ikinci dərəcəli rollarda çəkilib. O, Rambo filmində əsəbi muzdlu komandir Lewis, Lost serialının dördüncü mövsümündə Desmond-un təlimatçı çavuşu, Ali G Indahouse filmində gömrük məmuru və NCIS serialında rus dəniz qulduru rollarını ifa edib. Prison Break serialının 4-cü mövsümünün 4 epizodunda Ferguson obrazını canlandırıb. O, həmçinin 23 mart 2009-cu ildə nümayiş olunan Green Street 2 filmində rol alıb. McTavish Uncharted 2: Among Thieves video oyununda şər və psixopat hərbi cinayətkar Zoran Lazarevic obrazını səsləndirib və onun hərəkətlərini canlandırıb, Dante's Inferno oyununda əsas qəhrəman Dante Alighieri-ni, Shadow Complex oyununda Restoration lideri komandir Lucius-u və Transformers: War for Cybertron oyununda Decepticon Thundercracker-i səsləndirib. O, 24 serialının səkkizinci mövsümündə Rusiyanın xarici işlər naziri Mikhail Novakovich rolunu oynayıb, Hulk Vs. Thor və The Avengers: Earth's Mightiest Heroes animasiyalarında isə Marvel Comics-in cani obrazı Loki-ni səsləndirib. McTavish, Robin Hardy-nin 1973-cü il istehsalı olan The Wicker Man filminin çoxdan gözlənilən davamı The Wicker Tree filmində və çox gözlənilən The Hobbit filmində Dwalin rolunda çəkilmək üçün seçilib.