Film, qızı bir müddət əvvəl evlərinin yaxınlığında zorlanaraq qətlə yetirilən Mildred Hayesin qəzəbli və aqressiv hallarını əks etdirir. Qızının qətl işində heç bir şübhəli tapılmadan aylar keçdikdən sonra Mildred cəsarətli bir addım atır. O, magistral yolun kənarında üç reklam lövhəsi icarəyə götürür və şəhərin hörmətli polis rəisi William "Bill" Willoughby-yə qarşı meydan oxuyan mesajlar yazdırır. Mildred bu işdən əl çəkməsi üçün edilən bütün təzyiqlərə və zülmə sinə gərərək, təkbaşına hamıya qarşı mübarizə aparır.