Woody Harrelson

Vudrou Treysi "Vudi" Harrelson (23 iyul 1961-ci il təvəllüdlü) amerikalı aktyordur. O, ilk dəfə NBC telekanalının "Cheers" (1985–1993) sitkomunda barmen Vudi Boyd rolu ilə tanınıb və bu rola görə beş nominasiyadan birində "Komediya serialında ən yaxşı ikinci plan aktyoru" kateqoriyasında Praymtaym Emmi mükafatına layiq görülüb. Harrelson üç dəfə Oskar mükafatına namizəd olub: "Xalq Larri Flintə qarşı" (1996) filmində "Ən yaxşı aktyor", "Elçi" (2009) və "Ebbing, Missuri kənarında üç reklam lövhəsi" (2017) filmlərində isə "Ən yaxşı ikinci plan aktyoru" nominasiyalarında. Onun digər diqqətçəkən filmləri arasında "Ağdərili kişilər tullana bilməz" (1992), "Təbii qatillər" (1994), "Nazik qırmızı xətt" (1998), "Qocalar üçün yer yoxdur" (2007), "Yeddi funt" (2008), "Zombilend" (2009), "Yeddi psixopat" (2012), "İllüziya ustaları" (2013), "On yeddi yaşın astanasında" (2016), "Meymunlar planeti: Müharibə" (2017), "Venom: Qırğın gələcək" (2021) və "Qəm üçbucağı" (2022) var. O, həmçinin "Aclıq oyunları" film seriyasında (2012–2015) Heymiç Abernati obrazını canlandırıb. Harrelson HBO-nun "Oyun dəyişir" (2012) filmində Stiv Şmidt və HBO-nun kriminal antologiya serialı olan "Əsl detektiv" (2014) filmindəki detektiv rollarına görə də Praymtaym Emmi mükafatına namizəd göstərilib. O, həmçinin HBO-nun siyasi mini-serialı olan "Ağ ev santexnikləri"ndə (2023) E. Hovard Hant obrazını canlandırıb.