Luke Evans

Lyuk Corc Evans (15 aprel 1979-cu il təvəllüdlü) uelsli aktyordur. Evans karyerasına səhnədə başlayıb, "Rent", "Miss Saigon" və "Piaf" kimi bir çox Londonun "West End" tamaşalarında çıxış edib, daha sonra 2010-cu ildə çəkilən "Clash of the Titans" filminin remeyki ilə kino aləmində uğur qazanıb. Debütündən sonra Evans "Immortals" (2011), "The Raven" (2012) və yenidən ekranlaşdırılan "The Three Musketeers" (2011) kimi döyüş və triller janrında olan filmlərdə rol alıb. 2013-cü ildə Evans "Fast & Furious 6" blokbasterində əsas antaqonist Ouen Şou obrazını canlandırıb, həmçinin Piter Ceksonun C. R. R. Tolkinin "The Hobbit" əsəri əsasında çəkdiyi üç hissəli filmdə Oxatan Bard rolunu oynayıb. Evans, həmçinin "Dracula Untold" filmində Drakula obrazını canlandırıb. 2017-ci ildə o, Disneyin "Beauty and the Beast" filminin canlı ekranlaşdırılmasında Qaston rolunu ifa edib və "Professor Marston and the Wonder Women" bioqrafik dramında uydurma personaj "Wonder Woman"-ın yaradıcısı, amerikalı psixoloq Uilyam Molton Marston obrazını canlandırıb. Vikipediyadan, azad ensiklopediyadan